gan
Ohebydd Golwg360
Mae Clwb Pêl-droed Caernarfon wedi arwyddo gôl geidwad Lerpwl, Jakub Ojrzynski, ar fenthyg am y tymor.
Ymunodd y gŵr deunaw oed â Lerpwl o Legia Warsaw yng Ngwlad Pwyl ddwy flynedd yn ôl a chwaraeodd y tymor diwethaf ddeg gwaith i’r tîm dan 18 oed, a saith gwaith i’r tîm dan 23.
Roedd hefyd ar y fainc ar gyfer gêm y tîm cyntaf yn erbyn Sheffield United.
Mae’r symudiad yn parhau i fod yn ddibynnol ar gliriad rhyngwladol ond mae’r clwb yn “hyderus” y bydd hyn yn cael ei glirio cyn dechrau’r tymor newydd.
Bydd Caernarfon yn herio Rhuthun oddi gartref yng Nghwpan Nathaniel MG ddydd Gwener, 6 Awst, a’r gobaith y bydd Jakub Ojrzynski ar gael i’r gêm honno.
Croeso i’r Oval Jakub!
JAKUB OJRZYNSKI JOINS ON LOAN FROM LIVERPOOL FOOTBALL CLUB!
Croeso i'r Oval Jakub! #WelcomeFurniture #TruckPartsNorthWales @CymruLeagues @LFC https://t.co/BTltgPOs6o pic.twitter.com/ros1Kh0CUr— Caernarfon Town FC (@CaernarfonTown) July 29, 2021