Coed ’Dolig DIY

Mae cymuned Twthill wedi gwneud defnydd o’r coed sy’ gynnon ni ’leni.

 

Mae’r coed ar Sgwâr Twthill yn ddigon o sioe, ac maen nhw’n goed gwyrdd hefyd, gan fod yr holl drimings yn ail law ac wedi cael eu cyfrannu gan bobol hael Caernarfon a’r ardal.

 

Mi wnaeth Grŵp Cymunedol Twthill alwad agored am hen drimings ’Dolig bythefnos yn ôl, a ’nath pobol Dre ddim siomi! Mi gawson ni lond stafell gefn Twthill Vaults o gyfraniadau, ac mae nhw’n hongian oddi ar y coed sydd ar Sgwâr Twthill.

 

Os cewch chi gyfle yn y dyddia’ nesa, ewch am lwc i Sgwâr Twthill!