gan
Lleucu Myrddin
Mae gwobr ariannol i’w hennill yn ddyddiol
Mae criw Cronfa Caernarfon at Eisteddfod Genedlaethol 2023 yn cynnal ‘Raffl yr Adfent’ er mwyn codi arian at yr achos.
Y bwriad yw cynnal raffl gyda gwobrau ariannol hael i’w hennill yn ddyddiol dros gyfnod yr adfent. Bydd gwerth £500 o wobrau i’w hennill i gyd! Bydd yr holl elw yn mynd at Gronfa Caernarfon Apêl Eisteddfod Genedlaethol Llŷn ac Eifionydd 2023.
Mae gan Caernarfon darged o £30,000 i’w godi at yr apêl cyn Awst 2023 er mwyn medru croesawu’r Eisteddfod Genedlaethol yn ôl i Wynedd. Y gobaith o gynnal y raffl hwn yw codi arian heb ddibynnu ar haelioni busnesau’r dref sydd eisoes yn wynebu cyfnod anodd ar hyn o bryd.
Mae tocyn i gymryd rhan yn costio £10, a bydd ennillydd yn cael ei ddewis ar hap bob dydd. Gallwch brynu tocyn drwy PayPal yma neu drwy gysylltu â lleucumyrddin@yahoo.co.uk. Bydd angen prynu tocyn erbyn y 30ain o Dachwedd er mwyn cael y cyfle i ennill y wobr gyntaf ar y 1af o Ragfyr ymlaen.
Bydd mwy o weithgareddau codi arian yn cael eu cynnal dros y misoedd nesaf, felly dilynwch dudalen Facebook y gronfa i glywed mwy amdanynt.