gan
Mirain Llwyd Roberts
Dewch draw i’r Galeri am noson yng nghwmni Huw Chiswell!
Dyma ddigwyddiad arall sydd wedi’i drefnu i’r ardal gan Gronfa Eisteddfod Llŷn ac Eifionydd – ac yn sicr nid yw’n ddigwyddiad i’w fethu! Nid yn unig cawn y cyfle i glywed 15 o’i hoff ganeuon cawn yr hanes y tu ôl i bob un ohonynt.
Bydd Huw Chiswell yn rhannu ei hoff ganeuon a’u perfformio mewn noson arbennig ym mis Ebrill. A fydd y clasur ‘Y Cwm‘ ymhlith y 15 uchaf? Beth am Parti’r Ysbrydion neu Rhy Hwyr? Efallai bydd hi’n gân llai adnabyddus a bydd yn braf clywed sut y mae’n hawlio ei lle yn y 15 uchaf gan y cerddor ei hun. Bydd rhaid i chi fod yn y gynulleidfa i wybod pa ganeuon sydd yn hawlio’i lle! Pa un yw eich hoff gân chi?
Mae dros hanner y tocynnau wedi’i gwerthu yn barod felly ewch ati i brynu tocyn ar unwaith os oes diddordeb gennych chi!
Hoff Ganeuon Huw Chiswell (galericaernarfon.com)
I ddilyn hanes Cronfa Caernarfon a chlywed am fwy o ddigwyddiadau edrychwch ar y dudalen yma: Cronfa Caernarfon Eisteddfod 2023 | Facebook