Alana Spencer yn agor siop yn Dre!

Mae Alana Spencer, un o enillwyr The Apprentice, yn agor ei siop ddiweddaraf yng Nghaernarfon

Osian Wyn Owen
gan Osian Wyn Owen

Mae Alana Spencer wedi cyhoeddi y bydd yn agor ei siop ddiweddaraf yng Nghaernarfon.

Mae gan Alana o Aberystwyth siopau yn Aberystwyth, Llandudno a Chaerdydd eisoes. Bydd yn agor ei siop ddiweddaraf yn Noc Fictoria, yn hen siop Celtica.

Daeth Alana i’r brig yn rhaglen deledu’r Apprentice yn 2016, gan ennill buddsoddiad o £250,000 yn ei busnes Ridiculously Rich.

Mae Alana yn dysgu Cymraeg ar hyn o bryd, ac mae wedi dogfennu’r daith ar-lein.

Ar ei sianel Youtube, dywedodd Alana;

“Y tro hwn rydyn ni wedi dewis agor safle yng Nghaernarfon, rydan ni wedi syrthio mewn cariad â’r dref.

“Rydyn ni wedi bod yno i wneud rhywfaint o waith cynllunio.

“Mae’n gyffrous iawn!”