gan
Mirain Llwyd
Yn ein plith mae sawl unigolyn yn ofalwr ond prin iawn yw’r rhai sydd yn cael y cymorth sydd ar gael ar eu cyfer. Os ydych chi’n edrych ar ôl rhywun efallai buasai galw draw i un o’r amryw ddigwyddiadau am sgwrs anffurfiol a gwybodaeth yn fuddiol i chi.
Mae criw o bartneriaid sy’n gweithio yn y maes ar draws Gwynedd wedi dod ynghyd i drefnu cyfres o ddigwyddiadau trwy’r wythnos yn hybiau cymunedol Gwynedd.
Y digwyddiad agosaf i Gaernarfon yw’r un sy’n Porthi Dre fore Llun y 10fed o Fehefin, ewch draw am baned a sgwrs anffurfiol.
Mae croeso i unrhyw un fynychu unrhyw un o’r digwyddiadau a gallwch gofrestru trwy e-bostio Ffion – ffionwynneedwards@gwynedd.llyw.cymru
