Mewn datganiad mae Bwrdd Iechyd Prifysgol Betsi Cadwaladr wedi cadarnhau bod Ysbyty Gwynedd yn gofalu am 63 o gleifion sydd â COVID-19, a bod 36 o’r rhain wedi ei ddal yn yr ysbyty.
Cadarnhaodd y Bwrdd Iechyd hefyd bod y rhan fwyaf o lawdriniaethau a oedd wedi’u cynllunio wedi cael eu gohirio yn yr ysbyty ar hyn o bryd, ond bod nifer fach o achosion dydd brys yn parhau yr wythnos hon.
“Rydym yn parhau i ofyn am gymorth y cyhoedd i reoli lledaeniad COVID-19 yn ein cymunedau. Mae gan Ynys Môn (ar 78.5 am bob 100,000) a Gwynedd (ar 71.5 am bob 100,000) rai o’r cyfraddau amlder uchaf am COVID-19 yng Nghymru dros y saith niwrnod diwethaf, sy’n uwch na’r cyfartaledd cenedlaethol (43.9 am bob 100,000).
“Rydym yn cyfyngu ar nifer yr ymwelwyr ar safle ein hysbyty; rydym yn gofyn i chi sicrhau y bydd rhywun ond yn mynd gyda chi i’ch apwyntiad os oes angen. Os na allwch ddod i apwyntiad, rhowch wybod i ni cyn gynted â phosibl.
“Parhewch i ddilyn yr arweiniad iechyd cyhoeddus ynghylch golchi dwylo’n rheolaidd a dilyn canllawiau ymbellhau cymdeithasol er mwyn helpu i atal rhag trosglwyddo’r firws.”