gan
Mirain Llwyd Roberts
Ydych chi’n hoff o arddio? Neu a ydych chi’n dymuno dysgu mwy? Dewch draw i’r sesiynau Caffi Creu ble bydd cyfle i bobl o bob oed ddod at ei gilydd i arddio!
Mae Gisda a Phontio’r Cenedlaethau, Cyngor Gwynedd yn dod at ei gilydd unwaith eto i gynnal sesiynau Caffi Creu arbennig sydd yn rhannu sgiliau rhwng pobl o bob oed – y tro hwn – garddio sydd dan sylw!
Bydd y sesiwn gyntaf o’r gyfres gyffrous yma yn cael ei gynnal ar y 23ain o Ionawr am 3yh yn swyddfa Gisda yng Nghaernarfon (23 y Bont Bridd, Caernarfon). Mae croeso cynnes i bawb!
Byddwn yn treulio’r sesiwn yn creu potiau unigryw ac yn plannu hadau – bydd croeso i bawb fynd a’u gwaith adre gyda nhw os dyna’r dymuniad!
Dewch yn llu – i ddysgu mwy ffoniwch Mirain ar 01286 682818.