![Cyfarfod-Cyntaf](https://360.scdn8.secure.raxcdn.com/ased/sites/13/2023/06/Cyfarfod-Cyntaf-640x396.jpg?h)
Cyfarfod Cyntaf yn ôl yn 2020
![Taith-Gerdded-2](https://360.scdn8.secure.raxcdn.com/ased/sites/13/2023/06/Taith-Gerdded-2-142x88.jpg?v)
Criw’r daith gerdded yn mwynhau peint
![swper-pyramid](https://360.scdn8.secure.raxcdn.com/ased/sites/13/2023/06/swper-pyramid-142x88.jpg?k)
Swper Pyramid yn cychwyn yn nhy Nici
![Taith-Gerdded](https://360.scdn8.secure.raxcdn.com/ased/sites/13/2023/06/Taith-Gerdded-142x88.jpg?1a)
Criw’r daith gerdded
![igh](https://360.scdn8.secure.raxcdn.com/ased/sites/13/2023/06/igh-142x88.jpg?j)
Noson yng nghwmni Ian Gwyn Hughes
![twrnament](https://360.scdn8.secure.raxcdn.com/ased/sites/13/2023/06/twrnament-142x88.jpg?e)
Ysgol Syr Hugh yn bencampwyr y twrnament pêl-droed
Mae Pwyllgor Cronfa Caernarfon yn falch o fod yn gallu cyhoeddi ein bod wedi pasio’r targed i gasglu £30,000 at Eisteddfod Llŷn ac Eifionydd 2023!
Ers cyfarfod am y tro cyntaf yn Nhafarn yr Alex yn ôl yn 2020 mae’r pwyllgor wedi gweithio’n galed i drefnu amryw o weithgareddau. O gerdded dros 20 milltir o Gaernarfon i Nefyn, i dwrnament pêl-droed i nosweithiau cymdeithasol mae sawl digwyddiad wedi digwydd ar draws Caernarfon. Roedd yn gyfle i gasglu arian ond hefyd i godi ymwybyddiaeth am yr Eisteddfod.
Hoffai’r pwyllgor estyn diolch i bawb sydd wedi cefnogi’r ymgyrch boed hynny trwy fynychu, cefnogi trefnu neu yn ariannol. Mae cymaint ohonoch wedi’n helpu i gyrraedd y nod hwn.
Er bod y gwaith caled o gasglu arian wedi dod i ben mae angen i ni hefyd harddu Caernarfon dros yr wythnosau nesaf. Mae penwythnos swyddogol harddu yn cael ei gynnal ar y 1af ac 2il o Orffennaf felly ewch ati i ddechrau addurno eich tai er mwyn croesawu’r Eisteddfod i’r ardal.
Mae’r Eisteddfod yn annog pobl i beidio defnyddio plastig lle bo’n bosibl wrth addurno.
Os hoffech chi ymuno yn y gwaith o harddu Caernarfon yna cysylltwch gyda ni ar cronfacaernarfon2021@outlook.com!