Byw’n Dda, Byw’n Iach – Digwyddiad arbennig i bobl hŷn yr ardal

Ydych chi wedi bod yn ystyried beth sydd ar gael i helpu rhywun i heneiddio’n dda? Ydych chi eisiau dysgu mwy am yr holl gymorth a’r holl gyfleoedd grêt sydd ar gael am ddim? Dewch draw i Ganolfan Tennis Byw’n Iach Arfon Ddydd Gwener (01/11) rhwng 10 a 2 i ddysgu mwy.

Mae’r digwyddiad Byw’n Dda, Byw’n Iach yn rhan o gyfres o ddigwyddiadau sy’n cael eu trefnu gan Gyngor Gwynedd a sawl partner i ddathlu bod Gwynedd wedi ei chydnabod fel cymuned oed-gyfeillgar.

Bydd cyfle i gael blasu sesiynau Byw’n Iach, cyfle i ddysgu mwy am dros 20 o bartneriaid, cyfle i gael profion iechyd syml a chyfle i gael cyngor ariannol a llawer mwy. Bydd hefyd Comisiynydd Pobl Hŷn Cymru yn bresennol yn y digwyddiad i glywed mwy am yr hyn sy’n bwysig i chi.

Bydd cinio am ddim i bawb sy’n mynychu a phaned am ddim trwy’r dydd. Nid oes gofyn archebu lle dim ond troi fyny unrhyw bryd rhwng 10 a 2 am wledd o wybodaeth a chyngor.

Am fwy o wybodaeth ffoniwch 01286 682818 neu e-bostio mirainllwydroberts@gwynedd.llyw.cymru 

Amserlen ychwanegol i’r stondinau gwybodaeth:
11:15 – Sesiwn Blasu Actif am Oes
12:00 – Cinio am ddim a sgwrsio gyda Rhian Bowen-Davies, Comisiynydd Pobl Hŷn Cymru

13:00 – Ydych chi’n colli allan? Cyfle am sgwrs un i un a chyngor ariannol
13:30 – Cyflwyniad gan Rhian Bowen-Davies
Trwy’r dydd – Blasu beics Antur, Boccia, Piccolo, paneidiau, cyngor a gwybodaeth

Rhestr llawn am y mudiadau presennol:

• Gofal a Thrwsio
• Cyngor Gwynedd – Cymorth Costau Byw
• Cyngor Gwynedd – Teleofal
• Cyngor Gwynedd – Cefnogaeth Gofalwyr
• Cyngor Gwynedd – dewis.cymru
• Llwybr Cefnogaeth Cof
• Dementia Actif Gwynedd
• Heddlu Gogledd Cymru
• Herbet Protocol
• Porthi
• Dre
• Yr Orsaf
• Antur Waunfawr
• BCUHB Stroke Prevention Nurses
• BCUHB Smoking Cessation
• BCUHB Older Peoples Mental Health
• BCUHB Dental
• Atal Cwympiadau / Ffysiotherapi
• Gwasanaeth Tân
• Cynnal Gofalwyr
• HOPE – Age Cymru
• Age Cymru Gwynedd a Môn
• Byw’n Iach
• Swyddfa Comisiynydd Pobl Hŷn Cymru