gan
Lowri Jones
Mewn blwyddyn lle mae golygon cymaint ohonom wedi troi at ein milltir sgwâr, rydym wedi gweld cynnydd anhygoel yn y defnydd o’r gwefannau bro. Mae’r 7 gwasanaeth lleol-iawn wedi bod yn ffynhonnell amhrisiadwy o straeon, gwybodaeth a difyrrwch i gymaint o bobol eleni. Maent hefyd wedi bod yn gofnod o sut fu bywyd pobol a’n cymunedau yn ystod un o’r blynyddoedd mwyaf rhyfedd mewn cof.
Er gwaetha’r Covid – y canslo a’r diffyg dod ynghyd arferol – cyhoeddwyd dros 1230 o straeon bro yn 2020, ac erbyn hyn mae dros 430 o bobol leol wedi cyhoeddi stori ar eu platfform lleol.
I ddathlu hynny, bydd Bro360 yn cynnal seremoni wobrwyo ym mis Ionawr, lle byddwn yn cyhoeddi eich hoff straeon chi ar bob gwefan fro!
Rhestr fer Caernarfon360
Dyma’r 6 stori fwyaf poblogaidd (yn ôl yr ystadegau) ar Caernarfon360 eleni. Porwch trwyddynt, a phleidleisiwch trwy bwyso’r botwm ’diolch’ ar waelod eich hoff stori.
- Darparu dillad i blant ‘dre – Osian Owen
Darparu Dillad i Blant Dre
Mae criw gweithgar Porthi Pawb a Porthi Plantos wedi camu i’r adwy unwaith yn rhagor i ddarparu dillad ar gyfer plant Caernarfon.
- Galar, furlough, banciau bwyd a chardiau Nadolig – Osian Owen
Galar, furlough, Banciau Bwyd a chardiau Nadolig
Ymgyrch Cardiau Nadolig i godi arian i Fanc Bwyd Arfon.
- Gwyndaf Williams, y gŵr busnes, wedi marw – Osian Owen
Gwyndaf Williams, y gŵr busnes, wedi marw.
Roedd Gwyndaf Williams yn ŵr busnes adnabyddus yn nhref Caernarfon
- Mae’r brwydro yn parhau – Erin Bryfdir
- Mae yna Rybish ar S4C ar nos Wener! – Barry ‘Archie’ Jones
- Smwddis Swig – Tomos Huw Owen
Felly, dyna’r 6 ddaeth i’r brig o ran yr ystadegau. Ond pa un sy’n dod i’r brig i chi?
Pleidleisiwch, trwy…
- mewngofnodi neu ymuno â’r wefan hon (creu cyfrif)
- mynd i’ch hoff stori
- pwyso’r botwm ’diolch’ ar waelod y stori honno
Bydd eich hoff stori ar Caernarfon360 yn cael ei chyhoeddi mewn seremoni wobrwyo arbennig ddiwedd mis Ionawr.